Latest quotes | Random quotes | Latest comments | Add quote

Robert Fergusson

Braid Claith

Ye wha are fain to hae your name
Wrote in the bonny book of fame,
Let merit nae pretension claim
To laurel'd wreath,
But hap ye weel, baith back and wame,
In gude Braid Claith.

He that some ells o' this may fa,
An' slae-black hat on pow like snaw,
Bids bauld to bear the gree awa',
Wi' a' this graith,
Whan bienly clad wi' shell fu' braw
O' gude Braid Claith.

Waesuck for him wha has na fek o't!
For he's a gowk they're sure to geck at,
A chiel that ne'er will be respekit
While he draws breath,
Till his four quarters are bedeckit
Wi' gude Braid Claith.

[...] Read more

poem by Robert FergussonReport problemRelated quotes
Added by Poetry Lover
Comment! | Vote! | Copy!

Share

The Daft-days

Now mirk December's dowie face
Glours our the rigs wi' sour grimace,
While, thro' his minimum of space,
The bleer-ey'd sun
Wi' blinkin light and stealing pace,
His race doth run.

From naked groves nae birdie sings,
To shepherd's pipe nae hillock rings,
The breeze nae od'rous flavour brings
From Borean cave,
And dwyning nature droops her wings,
Wi' visage grave.

Mankind but scanty pleasure glean
Frae snawy hill or barren plain,
Whan Winter, 'midst his nipping train,
Wi' frozen spear,
Sends drift owr a' his bleak domain,
And guides the weir.

[...] Read more

poem by Robert FergussonReport problemRelated quotes
Added by Poetry Lover
Comment! | Vote! | Copy!

Share
 

If you know another quote, please submit it.

Search


Recent searches | Top searches