Complimentary Epigram on Maria Riddell

"Praise Woman still," his lordship roars,
"Deserv'd or not, no matter?"
But thee, whom all my soul adores,
Ev'n Flattery cannot flatter:

Maria, all my thought and dream,
Inspires my vocal shell;
The more I praise my lovely theme,
The more the truth I tell.

poem by Robert Burns
Added by Veronica Serbanoiu
Comment! | Vote! | Copy!

Ae fond kiss, and then we severA farewell, and then foreverDeep in heart-wrung tears I'll pledge thee,Warring sighs and groans I'll wage thee.Who shall say that Fortune grieves him,While the star of hope she leaves himMe, nae cheerful twinkle lights me,Dark despair around benights me.

quote by Robert Burns
Added by Lucian Velea
Comment! | Vote! | Copy!

Bannocks O' Bear Meal

Chorus:
Bannocks o' bear meal,
Bannocks o' barley,
Here's to the Highlandman's
Bannocks o' barley!

Wha, in a brulyie, will
First cry a parley?
Never the lads wi' the
Bannocks o' barley,
Chorus:

Wha, in his wae days,
Were loyal to Charlie?
Wha but the lads wi' the
Bannocks o' barley!
Chorus:

poem by Robert Burns
Added by Veronica Serbanoiu
Comment! | Vote! | Copy!

Bonie Dundee

My blessin's upon thy sweet wee lippie!
My blessin's upon thy e'e-brie!
Thy smiles are sae like my blythe sodger laddie,
Thou's aye the dearer, and dearer to me!

But I'll big a bow'r on yon bonie banks,
Whare Tay rins wimplin' by sae clear;
An' I'll cleed thee in the tartan sae fine,
And mak thee a man like thy daddie dear.

poem by Robert Burns
Added by Veronica Serbanoiu
Comment! | Vote! | Copy!

Here's a Bottle

There's nane that's blest of human kind
But the cheerful and the gay, man.

Here's a bottle and an honest friend!
What wad ye wish for mair, man?
Wha kens, before his life may end,
What his share may be o' care, man?

Then catch the moments as they fly,
And use them as ye ought, man!
Believe me, Happiness is shy,
And comes not ay when sought, man!

poem by Robert Burns
Added by Poetry Lover
Comment! | Vote! | Copy!

There Was a Bonie Lass - A fragment

There was a bonie lass, and a bonie, bonie lass,
And she lo'ed her bonie laddie dear;
Till War's loud alarms tore her laddie frae her arms,
Wi' mony a sigh and tear.
Over sea, over shore, where the cannons loudly roar,
He still was a stranger to fear;
And nocht could him quail, or his bosom assail,
But the bonie lass he lo'ed sae dear.

poem by Robert Burns
Added by Veronica Serbanoiu
Comment! | Vote! | Copy!

Epitaph On My Ever Honoured Father

O ye whose cheek the tear of pity stains,
Draw near with pious rev'rence, and attend!
Here lie the loving husband's dear remains,
The tender father, and the gen'rous friend;
The pitying heart that felt for human woe,
The dauntless heart that fear'd no human pride;
The friend of man — to vice alone a foe;
For "ev'n his failings lean'd to virtue's side."

poem by Robert Burns (1784)
Added by Veronica Serbanoiu
Comment! | Vote! | Copy!

Tibbie Dunbar

O, wilt thou go wi' me,
Sweet Tibbie Dunbar?
O, wilt thou go wi' me,
Sweet Tibbie Dunbar?
Wilt thou ride on a horse,
Or be drawn in a car,
Or walk by my side,
O sweet Tibbie Dunbar?

I care na thy daddie,
His lands and his money,
I care na thy kin
Sae high and sae lordly;
But say thou wilt ha'e me
For better for waur—
And come in thy coatie,
Sweet Tibbie Dunbar!

poem by Robert Burns
Added by Poetry Lover
Comment! | Vote! | Copy!

Sweet Tibbie Dunbar

O wilt thou go wi' me, sweet Tibbie Dunbar?
O wilt thou go wi' me, sweet Tibbie Dunbar?
Wilt thou ride on a horse, or be drawn in a car,
Or walk by my side, O sweet Tibbie Dunbar?

I care na thy daddie, his lands and his money,
I care na thy kin, sae high and sae lordly;
But sae that thou'lt hae me for better for waur,
And come in thy coatie, sweet Tibbie Dunbar.

poem by Robert Burns
Added by Poetry Lover
Comment! | Vote! | Copy!

Cock Up Your Beaver

When first my brave Johnie lad came to this town,
He had a blue bonnet that wanted the crown;
But now he has gotten a hat and a feather,
Hey, brave Johnie lad, cock up your beaver!

Cock up your beaver, and cock it fu' sprush,
We'll over the border, and gie them a brush;
There's somebody there we'll teach better behaviour,
Hey, brave Johnie lad, cock up your beaver!

poem by Robert Burns
Added by Veronica Serbanoiu
Comment! | Vote! | Copy!