Latest quotes | Random quotes | Latest comments | Submit quote

Bernard de Ventadorn

Tant ai mo cor

Tant ai mo cor ple de joya,
tot me desnatura.
Flor blancha, vermeilh'e groya
me par la frejura,
c'ab lo ven et ab la ploya
me creis l'aventura,
per que mos chans mont' e poya
e mos pretz melhura.
Tan ai al cor d'amor,
de joi e de doussor,
per qu'el gels me sembla flor
e la neus verdura.

Anar posc ses vestidura,
nutz en ma chamiza,
car fin'amors m'asegura
de la freja biza.
Mas es fols qui.s desmezura,
e no.s te de guiza,
Per qu'eu ai pres de me cura,

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Lo gens temps de pascor

Lo gens temps de pascor
ab la frescha verdor
nos adui folh'e flor
de diversa color,
per que tuih amador
son gai e chantador
mas eu, que planh e plor
c'us jois no m'a sabor

a totz me clam, senhor
de midons e d'Amor,
c'aicist dui traïdor,
car me fiav' en lor
me fan viur'a dolor
per ben e per onor
c'ai faih a la gensor,
que no.m val ni.m acor.

Pois fom amdui efan
l'am ades e la blan;

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Non es meravelha s'eu chan

Non es meravelha s'eu chan
melhs de nul autre chantador,
que plus me tra.l cors vas amor
el melhs sui faihz a so coman.
Cor e cors e saber e sen
e fors' e poder i ai mes.
Si.m tira vas amor lo fres
que vas autra part no.m aten.

Cant eu la vei, be m'es parven
als olhs, al vis, a la color
car aissi tremble de paor
com fa la folha contra.l ven.
Non ai de sen per un efan
aissi sui d'amor entrepres;
e d'ome qu'es aissi conques
pot domn'aver almorna gran.

Ai Deus! car se fosson trian
d'entrels faus li fin amador,

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Lancan vei per mei la landa

Lancan vei per mei la landa
dels arbres chazer la fòlha,
ans que.lh frejura s'espanda
ni.l gens termini s'esconda,
m'es bel que si' auzitz mos chans,
qu'estat n' aurai mais de dos ans,
e cové que.n fass' esmenda.

Mout m'es greu que ja reblanda
celeis que vas me s'orgòlha
car si mos cors re.lh demanda,
no.lh platz que mot m'i responda.
Be m'auci mos nescis talans,
car sec d' amor los bels semblans
e no ve c' amors lh' atenda.

Deus, que tot lo mon garanda,
li met' en cor que m'acòlha,
c' a me no te pro vianda
ni negus bes no.m aonda.

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Bel m'es can eu vei la brolha

Bel m'es can eu vei la bròlha
reverdir per mei lo brolh
e.lh ram son cubert de folha
e.l rossinhols sotz de folh
chanta d'amor, don me dolh;
e platz me qued eu m'en dolha,
ab sol qued amar me volha
cela qu'eu desir e volh.

Eu la volh can plus s'orgolha
vas me, mas oncas orgolh
n'ac va lei. Per so m'acolha
ma domna, pois tan l'acolh
c'a tota autras me tolh
per lei, cui Deus no me tolha.
Ans li do cor qu'en grat colha
so que totz jorns s'amor colh.

S'amor colh, qui m'empreizona,
per lei que mala preizo

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Era.m conseillatz

Era.m cosselhatz, senhor,
vos c'avetz saber e sen:
una domna.m det s'amor,
c'ai amada lonjamen;
mas eras sai de vertat
qu'ilh a autr'amic privat,
ni anc de nul companho
companha tan greus no.m fo.

D'una re sui en error
e.n estau en pensamen:
que m'alonje ma dolor,
s'eu aquest plai li cossen,
e s'aissi.l dic mon pessat,
vei mon damnatge doblat.
Cal que.n fassa o cal que no,
re no posc far de mo pro.

E s'eu l'am a dezonor,
esquerns er a tota gen;

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Amics Bernart de Ventadorn

Amics Bernartz de Ventadorn,
com vos podetz de chant sofrir,
can aissi auzetz esbaudir
lo rossinholet noih e jorn?
Auyatz lo joi que demena!
Tota noih chanta sotz la flor,
melhs s'enten que vos en amor.

Peire, lo dormir e.l sojorn
am mais que.l rossinhol auvir;
ni ja tan no.m sabriatz dir
que mais en la folia torn.
Deu lau, fors sui de chadena,
e vos e tuih l'autr' amador
etz remazut en la folor.

Bernartz, greu er pros ni cortes
que ab amor no.s sap tener;
ni j tan no.us fara doler
que mai no valha c'autre bes,

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share

Quan l'herba fresqu'el.h folha

Can l'erba fresch'e.lh folha par
e la flors boton'el verjan
e.l rossinhols autet e clar
leva sa vots e mou so chan,
joi ai de lui, e joi ai de la flor
e joi de me e de midons major;
daus totas partz sui de joi claus e sens,
mas sel es jois que totz autres jois vens.

Tan am midons e la tenh car,
e tan la dopt' e la reblan
c'anc de me no.lh auzi parlar,
ni re no.lh quer ni re no.lh man.
Pero elh sap mo mal e ma dolor,
e can li plai, mi fai be e onor,
e can li plai, eu m'en sofert ab mens,
per so c'a leis no.n avenha blastens.

S'eu saubés la gen enchantar,
mei enemic foran efan,

[...] Read more

poem by Bernard de VentadornReport problemRelated quotes
Added by Poetry Lover
Comment! | Vote! | Copy!

Share
 

<< < Page / 2 > >>

If you know another quote, please submit it.

Search


Recent searches | Top searches